Fermoso abandono

Salón de baile de Benito en Vilaronte ( Foz, Lugo). Este lar de peitos enchidos e namoradas que latexaban a anguría de anos, xa perdidos, foi a idea incandescente do disco de Marful.

Dito xérmolo, baséase naquelas épocas de peticións de baile, (máis educadas, como o de pagas un botellín?) miradas furtivas, sorrisos, distancias calculadas e música de orquestras.

Tódolos tempos pasados semellan reproducir hábitos, alá en Tabeaio ( Cambre, A Coruña) había un salón onde seguro miña nai bailou co meu pai. Quince anos máis ou menos, eu gastaba barra nalgún bar da comisión de calquera festa parroquial. Ao fin e o cabo, que teran os bares e a música como para soñar. Cantos bicos e carne apuradamente tocada entre o efluvio a licor café e a música de tango?

O que non sei, son eses acenos das mozas ao dicirme que non? -dícian non, máis sorrían- Elas, acaso, seran responsabeis da miña soidade? Timorato de mín, terei polo menos a misma beleza, que posúe o local de baile abandoado?

Que lle da beleza a un lugar abandoado? Serán as lembranzas dos bos tempos pasados, ou todo o amor procurado e non consumido?

Teño tantas ganas de fornicar amar que penso na miña fodida beleza, e que desaproveitada!

"Eu nom sei que tes nos olhos, que se me miras tu matas
matas-me se pr’a mim ris, matas-me quando me falas.
Meus olhos choram por ver-te meu coraçom por amar-te
meus pés por chegar a ti meus braços por abraçar-te"

Parte da canción de Marful: TRIS-TRAS

Letra: Trad. Cancioneiro inédito de Marcial Valladares, Ugia Pedreira

Postdata: Hoxe Martes 12, tocan ás 22:30 na Casa da Xuventude de Ourense.

man activo 4.12.06 13:55